Tag Archives: fiamthu

Comedian Search 2013 2nd Round zan hnihna fiamthu hit zual te

Comedian Search 2013, 2nd Round (Firfiak Zan) zan hnihna chu October ni 12, 2013 khan Ignite Studio-ah neih zawh a ni ta a. Hemi zan hian contestant mi 15-in fiamthu an inthawhsiak a, fiamthu a tha lehpek hle. A hnuaiah hian fiamthu tha zualte leh a thawhtu kan rawn dah e. Karleh thawhtanni, October ni 14, 2013-ah result hi tarchhuah a ni dawn a; October ni 18 & 19-ah 3rd Round (Inkah Zan) hman a ni leh dawn a ni. Fiamthu chu le…!

1. Naute kha a lâwm ve a. “Ka naute hmelchhia ti ti chu an daw duaiii…” tiin a sêp kâng vei rawk a, a hnarah tak a rawn êk khum siah! -Lalfakawma
2. Chaw kha a chhum rum thei lutuk a, an sawiselsak ve ziah a. A tawpah a ning lutuk chuan, “Chutia a nêm i duh a nih chuan Tlawng hnarah buhfai thlak la, Sairang-ah lo ei la ni mai lawm!” a ti hmak. -Lalfakawma

3. Tuikukho pawh khan ‘Iskut alu mai leh dal’ tih kha an lo hre vek a, ‘Uipui leh tangkawng, chempui leh hmarcha’ an lo ti ve char char. -Ramdinmawia
4. Nula pakhat pawh khan vaiho a mutpui ngun lutuk a, masala rim a nam vek! -Ramdinmawia (Hei hi Jokes of the Night atana thlan a ni)
5. A thaw kha a’n uih tha mai mai asin. Mi chuan bati an chhem hlum a, ani chuan a chhêm alh. A faifuk pawh hian lungleng tawkin a faifuk uih veng veng zel. -Ramdinmawia
6. A’n phunchiar lo mai mai asi. An nu khan, “Pa-a, vawiin tlai chu chawhmeh siam tur kan nei hauh lo a nia,” a ti dek dek a, an pa chuan, “Ka chawhmeh duhzawng tak a ni!” a lo ti nghal ngawt! -Ramdinmawia
7. A’n haihawt mai mai asin. Thâwk a theihnghilh a, a thi daih.
Continue reading (He post hi vawi 7433 keu hawn a ni tawh e.)

Comedian Search 2013 2nd Round zan khatna fiamthu hit zual te

Comedian Search 2013, 2nd Round (Firfiak Zan) zan khatna chu October ni 11, 2013 khan Ignite Studio-ah neih zawh a ni ta a. Hemi zan hian contestant mi 15-in fiamthu an inthawhsiak a, fiamthu a tha lehpek hle. A hnuaiah hian fiamthu tha zualte leh a thawhtu kan rawn dah e.

1. An vengah Faina Hapta an hmang a, thuziak chi hrang hrang ‘Fai hi a va nuam em!’ tih te, ‘Fai hi Pathian anna a ni’ tih te an lo tar chhuai a, ani Congress ruh chuan, “Congress kan fai ber!” a lo ti lauh lauh. -Isak Lalhmachhuana
2. A bialnu kha a’n duat mai mai khawp a. A chuks ngam lo va, “Ngati nge?” an tia, “A hmui a nâ ang!” a ti vel. -Isak Lalhmachhuana
3. Pa pakhat thinchhe deuh mai pawh khan thingpui a in a, a kham lo lutuk chuan, “He no siamtute hi man phiar se!” a ti tun tun. -Isak Lalhmachhuana
Continue reading (He post hi vawi 4828 keu hawn a ni tawh e.)

Infiamna Fiamthu-1

1. Football khel a en laiin a lo muthlu a, a rawn harh leh chuan mak tih hmel zet hian, “Thianpa, a khawi mah mah an la in-draw na nge?” zuk ti nulh a.

2. Tlangval senior pakhat pawh khan a kekawrte-a ARSENAL tih inziak chu hain hmân zâna Manchester United-in Arsenal an sawp lai kha a en ve a. A tâwpah an chang si lo thinrim lutuk chuan a kap chum vak vak pahin, “Thun thei lo lutuk!” a ti vin hlur ringawt.

3. Pro-fight-ah a tel ve a, in-chiu chaknain a in-chiu ve a. A damdawi hman kha a rui leh sia, ring chhûngah a uak tuarh tuarh.

4. Boxing-ah a tel ve a, a tumpui pain a hnek apiangin a kùn zel a. Referee-in a hau va, “Kùn tawh suh,” a tia, ani chuan hmaisen túnin, “Its my life,” a ti tuau.

5. Long jump-ah khân a chhuak ve a,zuang sâng berah an thlang!

6. Wresler-ho hi ring chhûnga an luha an tawng pâwr thin tehreng nen, Mizo ?awnga an han leh meuh chuan, “I bekah khan arsa a ni mai. Ka vêl dâwn che,” tih bâk an sawi ngai lo.
Continue reading (He post hi vawi 380 keu hawn a ni tawh e.)

Zahmawh rawngkai-4

1. Dawr kha an nghak ve a, hmeichhe pakhat hian, “Stayfree in nei em?” tiin a zawt a, ani lah chuan, “Eh eh eh…ka hrethiam mai,” a lo ti vel nia!

2. Zan mut dâwna paberin nau a puak chuan ‘dîlna’ a nia, zing thawhhlima a puak chuan ‘lâwmthu sawina’ an ti.

3. Innei thar pawh kha zan an mut dawnin an nu kha a va zung a, ‘Si sar..si sar’ a tia, zing a thawha a va zun leh chuan ‘Suau huau suau huau’ a ti.

4. Rambuai lai pawh khan vai sipaiho khan Mizo hmeichhia kha an pawngsual a, an liam hnu khan hmeichhe pakhat ram atanga lo haw chuan, “Kei chu tuman min khawi chhe lo,” a tia, pitar awih lo lutuk chuan, “Kei tak ngial pawhin vawi thum ka dawhthla asin,” zuk ti a!

5. Sawma — Thianpa, khawnge in nu? Eng nge a thawh thin a?
Awpa — Ka zuah tight rih. (Ril tak a ni, a nupui a then tihna)

6. Pitar zang kul pawh kha a zang a kul lutuk a, eitur an pek apiangin, “A va nam ve,” a ti ziah.
Continue reading (He post hi vawi 4389 keu hawn a ni tawh e.)

Fiamthu-58

1. A fate kha an han mâwl laileng khawp a. A pa inbual tur kawr phelh chu a âwm a lo hmul dur mai si a, an han en chiang a, “E he! Âpa âwmah zâwng a awm, a ban hnuaiah te zâwng a awm,” an ti a. A pa chuan, “In mâwl em mai, mâwl rehna ei r’u,” tih pahin ankasa a pe a, a eitir hlawm a. A hiar kha an hrethiam si lo va, “A va thak love.. Si chu a ngai ve si a..” an ti an ti mai a. A pa chuan, “Ngati nge khatia in tih in tih ni?” a han tih chuan a fate chuan, “I thil bâwk min pêk atang khan kan kâ-ah thli a thaw hiau hiau tawh,” te an la ti ta deuh deuh.

2. Tlangval pakhat hian naupang 6 hi a ramkalpui a. Nakinah chuan sai thâwm an hre ta a. Sernam kungah chuan chu tlangval chu a lâwn thurh a, naupangho chu an lo lâwn ve zel si; a ler tâwp berah a lian ber a awm si avangin a zîk lam chu a rawn kuai lêt leh ta si, a lâwn hmasa ber kha a hniam berah a awm leh ta! “A lo kal tak tak pawh ka ring lo ve,” tiin a farthla a, naupangho a’n vai perh hneh khawpah! Hmun hrang hrangah an tap chiah chiah mai alawm!

3. An ramkalnaah pakhat khan thirkhaidiat hi a hmu a. “Awle, thirkhaidiat ka chhar e,” tih pahin a hlam phei zai zai a. A tâwp lam hnim karah chuan sai ke-ah a lo inthlung niin! A’n hmu chiah mai chu a phu nasa lutuk a, “A duh duhin nei r’u..” tih pahin a tlanchhe char char.

4. Mi pakhat pawh kha a han thinchhe mai mai khawp a. A hlothlawhna lamah a kekawr tlâng hi thingbul hian a bât a. Lâkchhuah a tumna lamah a kut a vai na lutuk a, a ke a bêng phet a; bek lei si chawrh khawpin zu inbêng tlu a!

5. Pa pakhat pawh khan NLUP a dawng ve a, a NLUP dawn khan in a sa a. Mite’n, “Ngati nge in i sak mai le?!” an ti a, ani chuan, “Ka direct a nih kha,” te a ti vel.
Continue reading (He post hi vawi 366 keu hawn a ni tawh e.)