Comedian Search 2013 2nd Round zan hnihna fiamthu hit zual te

Comedian Search 2013, 2nd Round (Firfiak Zan) zan hnihna chu October ni 12, 2013 khan Ignite Studio-ah neih zawh a ni ta a. Hemi zan hian contestant mi 15-in fiamthu an inthawhsiak a, fiamthu a tha lehpek hle. A hnuaiah hian fiamthu tha zualte leh a thawhtu kan rawn dah e. Karleh thawhtanni, October ni 14, 2013-ah result hi tarchhuah a ni dawn a; October ni 18 & 19-ah 3rd Round (Inkah Zan) hman a ni leh dawn a ni. Fiamthu chu le…!

1. Naute kha a lâwm ve a. “Ka naute hmelchhia ti ti chu an daw duaiii…” tiin a sêp kâng vei rawk a, a hnarah tak a rawn êk khum siah! -Lalfakawma
2. Chaw kha a chhum rum thei lutuk a, an sawiselsak ve ziah a. A tawpah a ning lutuk chuan, “Chutia a nêm i duh a nih chuan Tlawng hnarah buhfai thlak la, Sairang-ah lo ei la ni mai lawm!” a ti hmak. -Lalfakawma

3. Tuikukho pawh khan ‘Iskut alu mai leh dal’ tih kha an lo hre vek a, ‘Uipui leh tangkawng, chempui leh hmarcha’ an lo ti ve char char. -Ramdinmawia
4. Nula pakhat pawh khan vaiho a mutpui ngun lutuk a, masala rim a nam vek! -Ramdinmawia (Hei hi Jokes of the Night atana thlan a ni)
5. A thaw kha a’n uih tha mai mai asin. Mi chuan bati an chhem hlum a, ani chuan a chhêm alh. A faifuk pawh hian lungleng tawkin a faifuk uih veng veng zel. -Ramdinmawia
6. A’n phunchiar lo mai mai asi. An nu khan, “Pa-a, vawiin tlai chu chawhmeh siam tur kan nei hauh lo a nia,” a ti dek dek a, an pa chuan, “Ka chawhmeh duhzawng tak a ni!” a lo ti nghal ngawt! -Ramdinmawia
7. A’n haihawt mai mai asin. Thâwk a theihnghilh a, a thi daih.

8. An chhungkua kha an parual lutuk a. Mipa hlir fa an hring sia, a tawpah mipa tho hi an hring leh a. ‘Tun tum chu sap hming i phuah ang u’ an tia, a hmingah ‘Pu Buanga’ an sa. -Lalfakawmi
9. Thingtlang nula fel deuh pakhat pawh kha khawpuiah a zin a. A thlen veleh hmun a phiat nghal char char a. A phiah theih zawng zawng a phiah vek hnu rei fe-ah chuan, “Ka pi, khawnge in phiah âwng?” a rawn ti hlawl! -Lalfakawmi

10. Kum hnih chhung Mizoram University-ah a kal a, kawng diaka berh lova kal dan chiah a rawn thiam haw. -Lalhmunmawia
11. Nula pakhat pawh kha a’n fing phakar khawp a. Inleng a neih apiangin Nepal channel hmuhnawm loh deuh a enpui ziah. -Lalhmunmawia
12. KC Face Pack kha PC Laltanpuia tan liau liauva an siam emaw a ti vel. -Lalhmunmawia
13. A damlo kha a inentir a, daktawrin bed rest a lo chawh a, damdawi dawrah bed rest a zawng zak zak. -Lalhmunmawia
14. A phone kha a’n hlai mai mai khawp a. Bangah a dah a, tukverh emaw an ti vel. -Lalhmunmawia

15. A zu in kha a tak tha awm mai mai asin. A in pawp a, a helh thla uk uk a, a tawp a tawpah a mawngah a tla thla tawp. -Lianchhunga
16. Hakuh leh hakuh inngaizawng pawh kha thahnemngai deuhvin an inkiss ve a, an thi per pur mai maw le. -Lianchhunga

17. Rahsi Veng pa insual hrat pawh khan a khawlai lennaah mipa pahnih insual a hmu a, phur tawkin, “Yes! Winner challenge!” zuk ti nghal ngawt a! -Biaknunmawia
18. Kawngpuiah khan bike-in chak tawkin a tlan a, ambulance-in chak tawkin an rawn phur let. -Biaknunmawia
19. Naupang chimawm deuh pakhat pawh kha a chimawm ve khawp mai.
“Mama, tunge i nu hming?”
“Ho mai mai!”
“Tunge i pa hming?”
“Leh zela!” -Biaknunmawia

20. Tuikuk nula sual tum chu an hawi vual vual a, lung an la a, min vawm dawn emaw kan tih laiin an lukham thên zel. -Vanlalpeka
21. Tuikuk kan sawi ta sa sa. Tuikukho hian pumpelh hi an lawm khawp a, hla zawk mah se an kal tho zel. -Vanlalpeka

22. Chhangban a zuar a.
“Ka pi, chhangban in lei duh em?”
“A khai, a ban awm em mai, kan lei lo mai ang.”
“A ban lo.” -David Rodawla
23. Hmelchhia chu a inti duh bik chiah lo. Darthlalangah a inen vang vang a, “Ka darthlalang lei a fuh thei thlawt lo!” a ti zaih! -David Rodawla
24. An monu kha a’n fuh lo mai mai khawp a. An han check chiang chu tuai a lo nia. -David Rodawla

25. Chairman dawngdah pawh khan inkhawm a kaihruai a. “Tantu tur khan a duh chuan bible lo chhiar se, thawhlawm khawntu a duh hun hunah rawn bung chawt mai rawh se!” a ti vel. -Vanhlira

26. A chhas nen chance an nei a, a duhthawh mai mai asin.
“Duat, min lo hmuam!” -Zoremmawia
27. Kan thianpa pakhat pawh hi a zei ve reng reng nge ni, a insawithei khawp mai a. “Kan inhnuai luah patil pathum ka thei vek tawh!” a lo ti ve char char. -Zoremmawia
28. Zu heh pakhat pawh khan zu a in nasa lutuk a, a hrawk a cancer ta a. Engmah a ei thei si lo va, a hrawkah khan dâwt an vuah tawp a, dâwtah zu a la chhûng lut hram. -Zoremmawia

29. A’n vannei mai mai asin. An postmortem a, a rawn harhchhuak leh. -Zoliantluanga
30. A mit a kalh tha mai mai khawp a. Thomitchhaih hian a en vang vang a, “A hai, a sitail tawp!” a ti tawp. -Zoliantluanga
31. Pitar pakhat pawh hi bus-ah a chuang a. Sikh palian pui mai, lu tuam bur hian thutna a lo kian a, pitar lawm lutuk chuan lawmthu sawi pahin, “E… Tun atangin i lu na pawh lo dam tawh rawh se!” zuk ti nawlh a! -Zoliantluanga

32. A handset kha a’n changkang mai mai khawp a. NLUP leh helicopter a support vel. -Lalhmingmawia
33. A lu kha a’n lian awm mai mai asin. A bengah an khai a, a luin a la bûk tho. -Lalhmingmawia

34. An thiandun khan zu an in a, an rui awm tiah tiah asin. Vaivakawn khelmualah an mu a, pakhat zawk chuan, “Thianpa, tawlh phei teh, min nêk tla dawn!” zuk ti a. -C. Lalhmangaihzuala

35. Elvis Presley khan a lar vanglai khan love letter kha a dawng hnem thei khawp a, chawhrualin nitin love letter 1000 dawng ang a ni a, keini kan vanglaiin nitin chawhrualin love letter 10 dawng ang kan ni a, kan lo intithei ve em em a. -K. Vanlalhruaia
36. Khaw khat nula hmeltha pawh kha khaw dangah a zin a, chhia an lo ti rap mawle. -K. Vanlalhruaia

37. “Buh engzat nge i thar a?”
“Ka thar tam lo, litre 20 chiah.” -Rodingliana
38. A dose a’n hniam mai mai. A thianpa’n, “Thianpa, zu nei i hre lo maw?” a ti dek dek a, a chatthla nghal der. -Rodingliana (He post hi vawi 7459 keu hawn a ni tawh e.)

6 thoughts on “Comedian Search 2013 2nd Round zan hnihna fiamthu hit zual te”

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>