Comedian Search 2013 1st Round fiamthu hit top 10

-Mastea

1.An politician lo mai mai, ZNP te kha damdawi hming emaw te a ti vel….Lalnunsanga.

2.Pu Hawla hian Pi Sonia-i hi a hmingin a ko ngai lo, ‘Rahul-a Nu’ ti hlirin a ko….Albert Vanlalchhanzuala.

3. Chemtatrawta thawnthu kha a’n hre thui mai mai, zan thum daih a hria a. A zan hnihnaah pawh a la chehtir lo….Lalfakawmi.

4. An khua kha tui a vâng awm asin. An tuikhurah te khan ‘He tuikhurah hian insuk, inbual, tuichawi, tui in khap tlat a ni’ tih te an tar vel….Lalhmingmawia.

5. Zawng kap hnai kha a’n kap hnai mai mai asin. An kap kha a tla tawp dawn emaw a tia, a zawnga kha a alh pup mai….Lalvuana.

6. Thil ruk kha a’n thiam awm mai mai asin. Thingthupui kha a kung tiche miah lovin cheng 300 man a lo thei….Laljoela.

7. An insual kha a sualpuipa kha a ngam awm lo mai mai asin. Vut a lo barh teuh, tuihawk lemah te a lo chantir vel….Lalnunsanga.

8. A thianpa kha inthlanah a ding ve dawn a, a campaign-pui ve a, “Ka thianpa hi lo vote ve rawh u, ram a hmangaih a, lehkhathiam mi fel, mi chapo lo a nia, in,lo vote ve ngei dawn nia, a chhinchhiahna chu Symbol a ni”….Kawlhnuna.

9. Facebook-ah khan a status kha a’n update thei mai mai asin. “CT Scan ti mek”….Zoremmawia.

10. Ramhnuai sipaiah kan han tang ve a, India sipai nen kan inkap thlanlung pakhat kha mi 40-in inphen nan kan han hmang mai chu kan indo ve hman lo reng reng….Vanlalpeka. (He post hi vawi 6822 keu hawn a ni tawh e.)

13 thoughts on “Comedian Search 2013 1st Round fiamthu hit top 10”

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>