Comedian Search 2012 Fiamthu

LPS Comedian Search 2012 chu an ti chho mup mup a. Fiamthu ruahṭhamloh ṭha tak tak a chhuak zut zut reng a. Chu’ng zinga eng emaw zat leh a sawitute ka rawn dah e.

1. Sual hnathawh ni miah si lova mihringte rilru-a pawi khawih nasa ber chu hmelchhiat hi a ni. —H. Kapkima.

2. Hmun ṭhenkhatah chuan – Nula hmelṭha hi ‘i va hmelṭha ve’ an ti mai lo va, ‘A chhi êng ve!’ an ti ṭhin. Boxing-a chiang deuhva hnek te hi ‘I hi! A dah e’ an tia, Mi’n min lo hnek dawna lo block hi ‘I hi! A chum khalh nalh e’ an ti ṭhin. —Zonunsiama.

3. Thlanlung pakhatah pawh khan hetiang hian thu an ziak a: Hetah hian Tv. Sanghluna kan phum ta mai, a û sipai bâng a lo haw hunah a ui ngawt ang. —A. Lalhlimmawia.

4. Chanchinthar a chhiartu VH1: Nimin tlai dar 5 khan Silchar daia sumo chesualah mi pahnih an thi a, he’ng mi pahnihte hi Sports Minister chu hlawhtlinna nena Gold Medal nena lo haw turin a vailiam. —Vanhlira.

5. “Ngati nge i ruih reng a?”
“Harhfimin khawvel en tlak hek lo!”
“Sual sim tur i ngah lutuk!”
“Ngah tehreng mai, a spare pawh pasarih ka nei.” —Lalramzauva.

6. China pa pakhat chopstick hmang thiam pawh khan a’n hmang thiam mai mai khawp a. Mizoram-ah a lo zin a, anṭam tlak an lo hmehpui a, a chopstick hmangin anṭam tlak litre thum a hâwp zo vek. —Vanlalpeka.

7. A’n zakthei lo mai mai khawp a. Pulpit-ah a sermon dawn a, “Ka van puar,” a ti vel. —Lalnunsanga (Kanan Veng).

8. A’n intuhâ lo mai mai khawp a. An branch KṬP group pathumte chu – Matthaia Group, Vanapa Group, Zosapthar Group. —H. Malsawmtluanga.

9. Mitthi vuinaah thla a la a, kuanga ruang chu a tin vang vang a, “One two three click!” a ti chu mipui an nui huk. —Vanlalhriata Pachuau.

10. RV nuho pawh khan excise ho an hlau lutuk a, an muthilh te hian an thaw ri hian, ‘Excise’ a ti sã sã zel. —David Rodawla. (He post hi vawi 1144 keu hawn a ni tawh e.)

12 thoughts on “Comedian Search 2012 Fiamthu”

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>